ڕێژیمی ئێران لە ماوەی ڕابردوودا هەوڵی داوە زۆربەی پادگانەکانی و هەروەها مۆڵگە کۆنەکانی نۆژەن بکاتەوە و چەک و هێزی نوێی بۆ ڕەوانە دەکات.
بەپێی زانیاریی گەیشتوو بە ماڵپەڕی کوردستان میدیا، ڕۆژی دووشەممە ٢٩ی بانەمەڕ، ڕێژیمی ئێران بە ٢٧ ماشینی قورس و تایبەتەوە مووشەک و چەکی قورسی بۆ پادگانی "جڵدیان" لە پیرانشار بردووە.
هەروەها ڕێژیم لە ماوەی ڕابردوودا لە زۆربەی شارەکانی کوردستان، مۆڵگە کۆنەکانی نۆژەن کردووەتەوە.
لەلایەکی دیکەشەوە هێزەکانی خستووەتە جووڵە و بە جەولە و جووڵە لەسەر سنوورەکان و گوندە سنوورییەکان، دەیهەوێت خەڵک چاوترسێن بکات.
