کوردستان میدیا

چوارشەممه 5ی سەرماوەز 2720
ماڵپەڕی ناوەندیی حیزبی دێموکراتی کوردستانی ئێران

کاربەدەستێکی پێشووی مەجلیس وتوویەتی ئەگەر خۆپیشاندانەکانی خەزەڵوەرمان سەرکوت نەکردبا ئینقلاب دەکرا

18:00 - 5 خەزەڵوەر 2720

"موحەممەد ڕەزا باهونەر" جێگری سەرۆکی پێشووی مەجلیس وتوویەتی، ئەگەر خۆپیشاندانەکانی مانگی خەزەڵوەری  ساڵی ٩٨ی هەتاویمان سەرکوت نەکردبایە ئینقلاب ڕووی دەدا.

ئەو کاربەدەستەی ڕێژیم باسی لەوە کردووە خواستە جێبەجێ نەکراوەکانی خەڵک وەک بەرمیلێکی پڕ لە باڕووت وایە کە ئەگەری تەقینەوەی زۆرە.

خۆپیشاندانەکانی خەزەڵوەری ٩٨ی هەتاوی کە دژ بە گرانبوونی بێنزین دەستی پێکرد؛ زۆربەی شارەکانی کوردستان و ئێرانی گرتەوە.

ئەو خۆپیشاندانە بە توندترین شێوە سەرکوت کرا. لەگەڵ دەسپێکی خۆپیشاندانەکاندا خامنەیی بڕیاری دا هەر کارێک پێویستە بۆ ڕووبەڕووبوونەوەی خۆپیشاندەران بیکەن.