ڕۆژی سێشەممە ڕێکەوتی ٧ی بەفرانبار کاک "کەریم سۆفی مینە" ناسراو بە "کەریم چەورە" خەڵکی شاری مەهاباد بەهۆی جەڵتەی دڵ ماڵاوایی لە ژیان کرد.
کاک "کەریم سۆفی مینە" ئەندامێکی دێرین و بە وەفای حیزبی دێموکراتی کوردستانی ئێران و هەروەها کەسێکی دڵسۆز و نیشتمانپەروەر بوو.
ناوبراو هەتا دوا ساتەکانی ژیانی وەک ئەندامێکی دڵسۆز و وەفادار بە ڕێبازی شەهیدان مایەوە.
کاک "کەریم" لە ماوەی تەمەنیدا هەموو ئەرکێکی حیزبی بەو پەڕی دڵسۆزیەوە بەڕێوە دەبرد.
تەرمی ناوبراو لەنێو ئاپۆرای خەڵکی ناوچەکەدا بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە، خزم و کەسوکاری نابراو دەکات و خۆی بە هاوبەشی خەمیان دەزانێت.
