کوردستان میدیا

شەممه 27ی بەفرانبار 2720
ماڵپەڕی ناوەندیی حیزبی دێموکراتی کوردستانی ئێران

کتێبی "کورد لە دیدی ڕۆژهەڵاتناسەکانەوە" بۆ سەر زمانی فارسی وەرگێڕدرایەوە

11:39 - 18 بەفرانبار 2720

"ئەمیر حەقیقی" وەرگێڕێکی خەڵکی بۆکان کتێبی "کورد لە دیدی ڕۆژهەڵاتناسەکانەوە" بە زمانی فارسی وەرگێڕایەوە.

ئەو کتێبە لە ٣٥٣ لاپەڕەدا بە شکڵی "قەتعە وەزیری" لەلایەن وەشانگەی "ئومید" لە تاران چاپ و بڵاو کراوەتەوە.

هەروەها ئەو کتێبە لە شارەکانی کوردستانی ڕۆژهەڵات لە کتێبخانەکانی "گزینگ" لە مەهاباد و "موکریان و کەریمیی جەوان" لە بۆکان خراوەتە بەر دیدی خوێنەران.

کتێبی ""کورد لە دیدی ڕۆژهەڵاتناسەکانەوە" لەلایەن دوکتور "فەرهاد پیرباڵ" نووسەر و شاعیری ناوداری کورد نووسراوە.

ئەو کتێبە هەوڵدانێکە بۆ تێگەیشتن لە دیدی کوردناسە ڕۆژئاواییەکان لەبارەی کوردستان و نەتەوەی کورد.

"پیرباڵ" لەبارەی ئەو کتێبە نووسیویەتی: "ئەو کتێبە کەرەستەیەکە بۆ ئەو ڕووناکبیر و مێژوونووسانەی دەیانهەوێ مێژووی کوردناسی بنووسنەوە؛ یان بیروبۆچوونی فەلسەفی و سیاسی و ڕووناکبیرانە لەمبارە هەڵبگۆزن".