کۆمەڵێک لە کرێکارانی پێترۆشیمیی ئیلام کە لە بەشی جۆشکاریی ئەو پێترۆشیمییەدا کار دەکەن، لە ناڕەزایەتی دەربڕین بەرامبەر بە گرێبەستی نوێیان، گردبوونەوەیەکیان ڕێک خست.
یەکێک لە کرێکاران وتوویەتی: "ماوەی ساڵ و نیوێکە لەو پێترۆشیمییەدا خەریکی کارین، سەرەڕای دابین نەکردنی ئەمنییەتی کاری، بەپێی گرێبەستی نوێ پێیان ڕاگەیاندووین کە ١٥ ڕۆژ دەبێ بێینە سەر کار و ١٥ ڕۆژ لە مانگدا لە پشوودا بین".
ئەو کرێکارانە کە ژمارەیان ٢٤ کەسە چەندین ساڵە کە لەو پێترۆشیمییەدا کار دەکەن. هەموویان خێزاندار و لەگەڵ کێشەی ئابووری ڕووبەڕوون.
ئەوان وتوویانە کە ئەگەر لە مانگدا حەقدەستی ١٥ ڕۆژ وەربگرن، کێشەی ماڵی و کۆمەڵایەتییان بۆ دێتە پێشەوە.
کرێکاران لەو کۆبوونەوە ناڕەزایەتییەدا داوایان کردووە کە کارەکەیان بەپێی گرێبەستی پێشووتر بچێتە پێشەوە.
