کوردستان میدیا

دووشەممه 24ی جۆزەردان 2721
ماڵپەڕی ناوەندیی حیزبی دێموکراتی کوردستانی ئێران

٤٠٠ کیلۆ "هێرۆئین" نێردراوی ئێران لە "بولغارستان" دەستی بەسەردا گیرا

13:24 - 18 جۆزەردان 2721

بەرپرسانی دەوڵەتی "بولغارستان" بارێکی ٤٠٠ کیلۆیی "هێرۆئین" سەر بە ڕێژیمی ئێرانیان گرت.

ئەو بارە لەنێو بەردی "مەڕمەڕ"دا شاردرابووە و لە "بولغارستان" دەستی بەسەردا گیراوە.

ئەو بارە لە کەنارئاوی "وارنا" لە دەریای "ڕەش" لە چوار کانتینێردا دەستی بەسەردا گیراوە.

بەپێی ئەو زانیارییانەی بڵاو بووەتەوە ئەو بارە لە ئێرانەوە نێردراوە و بڕیار بووە لە ئورووپادا بڵاو بکرێتەوە.

وڵاتی ئێران گەورەترین شوێنی ترانزیتی مادە سڕکەرەکان لە جیهان‏دایە و یەکێک لەو وڵاتانەیە کە زیاترین بەکارهێنەری هەیە.

هەروەها، عومەر ئەلحەمیری فەرمانداری پێشووی پارێزگای دیالەی عێراق، لە وتووێژێک لەگەڵ ڕۆژنامەی "شەرقولئەوسەتـ"ـدا ڕایگەیاندبوو زیاتر لە سەدا ٩٠ی مادە سڕکەرەکان و حەشیش لە ئێرانەوە بۆ عێراق دێت.