ڕۆژی چوارشەممە ٢٣ی ڕێبەندان کاک "محەممەد پووریان" کەسایەتییەکی فەرهەنگی و خۆشناوی شاری سەقز ماڵاوایی لە ژیان کرد.
کاک محەممەد لە ماوەی ژیانی خۆیدا هەوڵ و هیمەتێکی زۆری لە بواری فەرهەنگ دا.
ناوبراو دامەزرێنەری ئەنجوومەنی خۆشنووسیی شاری سەقز بووە. هەروەها کاک محەممەد دیوانی "نالی"ـی بە قەڵەمی خۆی نووسیوەتەوە.
بۆ نووسینەوەی دیوانی مامۆستا نالی کاک محەممەد ماوەی ٤ ساڵ کاری کرد.
ئەو هونەرمەندە لە ماوەی ٤ دەیە کاری فەرهەنگیدا بە تایبەتی بواری خۆشنووسی دەیان تابلۆ ڕازاوە و جوانی بەرهەم هێنا.
بەشێکی دیکە لە کارەکانی ئەو کەسایەتییە ماندوونەناسە پەروەردەکردنی قوتابی لە بەشی خۆشنووسی دابووە.
تەرمی ناوبراو لە نێو ئاپۆڕای خەڵکی شاری سەقز، ئەدەبدۆستان و هونەرمەندان بە خاک ئەسپێردرا.
