کوردستان میدیا

پێنجشەممه 11ی سەرماوەز 2721
ماڵپەڕی ناوەندیی حیزبی دێموکراتی کوردستانی ئێران

ئیتلاعاتی سپای پاسداران لە بانە دۆخێکی ئەمنییەتیی گرتووەتە بەر

18:50 - 27 خەزەڵوەر 2721

بەپێی هەواڵی گەیشتوو بە ماڵپەڕی کوردستانی میدیا، ئیتلاعاتی سپای پاسدارانی ڕێژیمی ئێران لە شاری بانە لە درێژەی گوشارەکانی خۆیدا، ئەمجارە لە ڕێگای بەسیجی قوتابخانەکانەوە لە هەوڵێکی نایاساییدا کەلوپەلی قوتابییان دەگەڕێن تاکوو بزانن کێ مۆبایلی زیرەکی پێیە و دەیپشکنن.

هەر لەو پەیوەندییەدا چەند قوتابیی ناوەندی و دواناوەندی کە خزم و کەسێکی نزیکیان ئەندامی یەکێک لە حیزبە دژبەرەکانی ڕێژیمی ئێرانە لەلایەن بەسیجی قوتابخانەکان و بە فەرمانی بەرپرسی ئیتلاعاتی سپای پاسدارانی بانە بێڕێزییان پێ کراوە.

جێگای ئاماژەیە لە چەند ڕۆژی ڕابردووەوە لە پەلامارێکی سەرکوتکارانەی دامودەزگا ئەمنییەتییەکانی ڕێژیم بۆ سەر چالاکانی مەدەنی له کوردستان‌، به دەیان کەس دەسبەسەر و ڕاپێچی ناوەندە ئەمنییەتییەکان کراون.