ئەندامان و لایەنگرانی حیزبی دێموکراتی کوردستانی ئێران لە بۆکان بە هەڵکردنی ئاڵای پیرۆزی کوردستان و نووسینی دروشم چالاکیی تەبلیغییان بەڕێوە برد.
تێکۆشەرانی دێموکرات لە شوێنەکانی وەک: ''ڕێگای گوندەکانی ئاغەڵیان، سریلاوا، پیروەلی باغ، ڕێگای حوسێن مامە بۆ قاڕنجە و جادەی بۆکان بۆ میاندواو'' ئەو چالاکییەیان ئەنجام داوە.
ڕۆڵە بەجەرگەکانی دێموکرات لەو چالاکییەدا ئاڵای پیرۆزی کوردستان و جامانەیان هەڵ کرد و دروشمەکانی: ''بژی حیزبی دێموکراتی کوردستانی ئێران، بژی قاسملوو، بژی پێشمەرگە و سەرکەوێ ڕاسانـ''ـیان نووسیوە.
ئەندمانی حیزبی دێموکرات بە بەڕێوەبردنی چالاکیی جۆراوجۆر ئامادەیی خۆیان بۆ هەرچەشەنە ئەرکێکی حیزبی دووپات دەکەنەوە و بە دوژمنانی گەل دەیسەلمێنن کە هەتا وەدەیهاتنی ئامانجەکان دەست لە تێکۆشان هەڵناگرن.
