کوردستان میدیا

شەممه 9ی رەشەمه 2720
ماڵپەڕی ناوەندیی حیزبی دێموکراتی کوردستانی ئێران

ئەندامانی حیزبی دێموکرات لە سنە، دەسبەسەرکردنی هەووڵاتییانی کوردیان مەحکووم کرد

10:38 - 26 رێبەندان 2720

ئەندامان و لایەنگرانی حیزبی دێموکراتی کوردستانی ئێران لە ناوچەی ''حسەین ئاوای'' سنە لە پەیامێکدا ڕەشبگیری و دەسبەسەرکردنی هاوڵاتییانی کوردیان لەلایەن ڕێژیمی ئێرانەوە مەحکووم کرد؛ هەروەها بە هەڵ کردنی ئاڵای کوردستان لەگەڵ ڕێبازی شەهیدان پەیمانیان نوێ کردەوە.

دەقی پەیامەکە بەم چەشنەیە:

خەڵکی بەشەرەفی کوردستان!

هەر وەک ئاگادارن کۆماری پەت و سێدارە بە درێژایی تەمەنی پڕ لە دوژمنکارانەی خۆی دژ بە دانیشتوانی ئێران بەگشتی و بەتایبەت خەڵکی کۆڵنەدەری کوردستان هیچکات لە کوشتن، زیندانیکردن، دەستدرێژی، بێڕێزی و ماڵوێرانکردنیان خۆی نەبواردووە و بە دڕندانەترین شێوە پەلامار بۆ مان و مەوجوودیەتی دەبات.

بۆیە ئێمە وەکوو ئەندامان و لایەنگرانی حیزبی دێموکراتی کوردستانی ئێران سەبارەت بەم ڕەشبگیرییانەی ڕێژیم و هەروەها بێڕێزیکردنیان بە خەبات و تێکۆشانی گەلی کورد کە هیچ بنەمایەکی نییە، مەحکووم دەکەین و ئامادەیی خۆمان لەمەڕ هەر چەشنە فیداکاری و گیانفیدایی دەردەبڕین و دیسانەوە لەگەڵ ڕێگا و ڕێبازی شەهیدانمان پەیمان نوێ دەکەینەوە .

بژی حیزبی دێموکراتی کوردستانی ئێران

سەرکەوێ خەباتی ڕزگاریخوازانەی گەلەکەمان

بڕووخێت ڕێژیمی کۆنەپەرستی ئیسلامیی ئێران

ئەندامانی حیزبی دێموکرات لە سنە؛ ناوچەی حسەین ئاوا