کوردستان میدیا

چوارشەممه 14ی جۆزەردان 2720
ماڵپەڕی ناوەندیی حیزبی دێموکراتی کوردستانی ئێران

ئەندامانی حیزبی دێموکرات لە سەقز بەبۆنەی ڕۆژی شەهیدان پەیامێکیان بڵاو کردەوە

11:37 - 10 خاکەلێوه 2720

ئەندامان و لایەنگرانی حیزبی دێموکراتی کوردستانی ئێران، بەبۆنەی ١٠ی خاکەلێوە، ڕۆژی شەهیدانی کوردستان، پەیمانیان لەگەڵ شەهیدان نوێ کردەوە و بەم بۆنەوە پەیامێکیان بڵاو کردەوە. 

دەقی پەیامەکە بەم چەشنەیە:

لە ڕۆژی شەهیدانی کوردستاندا سەری کڕنۆش لە بەرانبەر ڕۆحی بەرزی شەهیدەکانمان و بنەماڵە بەڕێزەکانیان دادەنەوێنین. لەگەڵیان پەیمان نوێ دەکەینەوە و بەڵێن دەدەین هەتا سەر درێژەدەری ڕێبازی پڕ لە سەروەرییان بین .

سڵاو دەنێرین بۆ هێزی پێشمەرگەی کوردستان و زیندانییانی سیاسی و ڕێبەرایەتیی حیزبی دێموکراتی کوردستانی ئێران .

ڕێژیمی جینایەتکاری ئاخوندی لە زەلکاوی کردەوە قیزەونەکانی خۆیدا بەرەو لەنێوچوون دەچێت. کۆمەڵانی خەڵکی ئێران لە ناوەرۆکی پوچەڵ و بێ واتای تێگەییشتوون و ڕێژیم ناتوانێت ئەو داڕمانە بشارێتەوە یان پێشی پێ بگرێت .

شار وەک هەمیشە ئامادەیە لە یەکەم هەلی گونجاودا تۆڵەی شەهیدانی کوردستان بکاتەوە و بۆ تێکەوەپێچان و لە گۆڕنانی حاکمییەتی توتالیتێری تاران شەقامەکانی شار دەوری یەکلاکەرەوە بگێڕن .

نەمری بۆ شەهیدان، سەرکەوتن بۆ کوردستان

ڕووخاوتر بێت کۆماری پەت و سێدارەی ئاخوندی

ئەندامانی حیزبی دێموکرات لە شاری سەقز