کوردستان میدیا

پێنجشەممه 19ی پووشپەڕ 2720
ماڵپەڕی ناوەندیی حیزبی دێموکراتی کوردستانی ئێران

ئەندامانی حیزبی دێموکرات لە مەریوان چالاکیی تەبلیغییان بەڕێوە برد

11:46 - 7 پووشپەڕ 2720

ئەندامان و لایەنگرانی حیزبی دێموکراتی کوردستانی ئێران لە مەریوان بە هەڵکردنی ئاڵای پیرۆزی کوردستان و بڵاوکردنەوەی تراکتی حیزبی، چالاکیی تەبلیغییان بەڕێوە برد.

ڕۆڵە بەجەرگەکانی دێموکرات لە ''تەرخان ئاوا''ی مەریوان، ئاڵای پیرۆزی کوردستانیان هەڵ کرد و تراکتی تایبەتیان لە یادی ڕێبەری مەزن، شەهید دوکتور ''عەبدولڕەحمان قاسملوو'' بڵاو کردەوە.

تێکۆشەرانی دێموکرات بە دروشمی ''حیزبی دێموکرات تەنیا نییە، یەک نەتەوەی لەگەڵدایە'' و هەروەها بە بڵاوکردنەوەی وێنە، پووستێر و تراکتی ڕازاوە بە دروشم، وێڕای شەکانەوەی ئاڵای پیرۆزی کوردستان، چالاکییەکانی ڕێزگرتن لە یادی شەهید دوکتور''قاسملوو'' لە مەریوانیان دەست پێکرد.