کوردستان میدیا: ئەندامانی لەشی قوتابییەکی کامیارانی کە تووشی "مەرگی مێشک" ببوو، گیانی بە ٨ نەخۆش بەخشی کە پێویستیان بە پەیوەندی ئەندام بوو.
ئەندامانی لەشی "عەلی سەفەری"، تەمەن ١٢ ساڵ، خەڵکی کامیاران، کە بەهۆی خوێنڕێژی تووشی "مەرگی مێشک" ببوو، بە ٨ نەخۆش دەرفەتی ژیانی دووبارەی بەخشی.
ناوبراو، ڕێکەوتی ٩ی پووشپەڕ بەهۆی سەرئێشەی توندەوە بۆ نەخۆشخانەی شارەکانی کامیاران و سنە برا و دواتر بۆ تاران بەڕێ کرابوو و دوای ئەوەی کە لە لایەن نەخۆشخانەوە "مەرگی مێشکـ"ـی تەئید کرابوو، ئەندامانی لەشی بەخشرا.
"عەلی سەفەری"، قوتابیی پۆلی شەشەمی قوتابخانەیەکی سەرەتایی شاری کامیاران بوو.
"مەرگی مێشک" بە واتای نەگەڕانەوە بۆ ژیانە و ژیانی نەخۆش بە ئامێرێکی پزیشکییەوە بەندە و ئەگەر لەو ئامێرەیە جودای بکەیتەوە، دوای چەند چرکە نەخۆشەکە دەمرێت.
