ئەندامێکی حیزبی دێموکراتی کوردستانی ئیران بە ناوی "مەسعوود ئاقا وەلی" کوڕی "هادی" ڕۆژی شەممە ڕێکەوتی ١٤ی خاکەلیوە بەهۆی نەخۆشییەوە لە نەخۆشخانەیەکی شاری "بۆکان" ماڵاوایی لە هاوخەبات و ئازیزانی کرد.
کاک "مەسعود ئاقا وەلی" ئەندامێکی تێکۆشەری حیزبی دێموکرات بووە و بەوپەڕی دڵسۆزییەوە لە ڕێزەکانی ڕێکخستنی شاردا چالاکانە تێکۆشانی کردووە.
تەرمی کاک "مەسعود" لەنێو خەم و پەژارەی ئازیزانیدا بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
