ڕۆژی هەینی ٥ی بانەمەڕی ١٣٩٩ی هەتاوی، ئەندامێکی چالاکی حیزبی دێموکراتی کوردستانی ئێران بە ناوی "حەسەن نەدیمی" کوڕی پێشمەرگەی دێرینی حیزب، کاک "ڕۆستەم نەدیمی" ناسراو بە "ڕۆستەم سیما"، خەڵکی ئاوایی "گازرخانی" و دانیشتووی "کامیاران"، بەهۆی نەخۆشیی دڵەوە ماڵاوایی لە ژیان کرد.
کاک "حەسەن" ئەندامێکی چالاک و نیشتمانپەروەر بووە و ئەرکی حیزبیی خۆی بەوپەڕی دڵسۆزییەوە بەڕێوە دەبرد وهەتا دواساتەکانی ژیانی بە ڕێبازی شەهیدان وەفادار مایەوە.
تەرمی ناوبراو لەنێو ئاپۆڕای خەڵکی "گازرخانی"، شاری "کامیاران" و ناوچەی "ژاوەرۆ"، لە "گازرخانی" بە خاکی پیرۆزی نیشتمان ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە، خزم و کەسوکاری ناوبراو دەکات و خۆی بە شەریکی خەمیان دەزانێت.
