بەپێی هەواڵی گەیشتوو بە ماڵپەڕی "کوردستان میدیا" لە ماوەی ڕۆژانی ڕابردوودا چەند جاش و بەکرێگیراوی ڕێژیم چوونەتە گوندی "دەریاوی" و مەزراکانی دەوروپشتی سەرشیوی سەقز و لە ساختەکارییەکدا خۆیان وەک پێشمەرگە بە خەڵک ناساندووە.
دوای ئەوەیکە هاووڵاتییان لەم هەوڵەی ئەو بەکرێگیراوانە ئاگادار دەبنەوە زۆر بە ساردوسڕی لەگەڵیان هەڵسوکەوت دەکەن.
ئەو بەکرێگیراوانە خەڵکی پیرانشار بوونە و پاش ئاشکرابوونیان دەست دەکەن بە بێڕێزی بە حیزبی دێموکرات و ڕێگا و ڕێبازەکەی.
بەپێی زانیارییەکان ئەو کەسانە چەکوچۆڵێکی زۆریان پێ بووە و دوای دەرکەوتن لە گوندی "دەریاوی" بەرەو مووچە و مەزراکانی گوندی "سماقڵوو" بەڕێ کەوتوون کە لەوێش لەگەڵ هەڵسوکەوتی ساردی خەڵک بەرەوڕوو بوونەتەوە.
