"بزووتنەوەی گۆڕان" بە بۆنەی ٢٥ـی گەلاوێژ، ٧٧ـەمین ساڵوەگەڕی دامەزرانی "حیزبی دێموکراتی کوردستان" پەیامێکی پیرۆزبایی بۆ حیزبی دێموکرات نارد.
دەقی پەیامەکە بەم چەشنەیە:
بەڕێز "مستەفا هیجری"، لێپرسراوی گشتیی حیزبی دێموکراتی کوردستانی ئێران ـ سڵاو
لە یادی حەفتاوحەوتەمین ساڵەی دامەزراندنی حیزبی دێموکراتی کوردستانی ئێراندا، بە ناوی ئەندامانی جڤاتی نیشتمانی و گشتی و هەڵسووڕاوانی بزووتنەوەی گۆڕانەوە، پیرۆزبایی لە بەڕێزتان و ئەندامانی دەفتەری سیاسیی حیزبتان و لایەنگرانتان دەکەین و هیوادارین بە یەکدەنگی و یەکڕیزی و تەبایی نێوان هەموو لایەنە کوردستانییەکان بتوانن هەنگاوەکانتان بەرەو پێش ببەن لە پێناو بەدیهێنانی خواستەکانی گەلەکەمان لە ڕۆژهەڵات و گەلی ئێران بەگشتی.
دیارە ئەوەش بە یەک بەرنامەیی و کۆدەنگی دەبێت و هیواشمان وایە ببنە جێگەی ئومێدی سەرتاسەری و داکۆکیکاری مافە ڕەواکان. جارێکی دیکە پیرۆز بێت و هەر شاد و سەرکەوتوو بن.
بزووتنەوەی گۆڕان
١٦ـی ئاگۆستی٢٠٢٢ـی زایینی
٢٥ـی گەلاوێژی ١٤٠١ـی هەتاوی
