سەرەڕای بوونی تاپۆ و بەڵگەی تەواو لەلایەن خاوەن خانووبەرەکان، شارەداریی بۆکان هەڕەشەی ڕووخاندنی ماڵی هەندێک لە هاوڵاتییانی نێو شار دەکات.
هاووڵاتییەکی "بۆکانـ"ـی لەو بارەوە ڕایگەیاندووە؛ سەرەڕای ئەوەیکە تاپۆ و بەڵگەی تەواوم بۆ خانووەکەم هەیە بەڵام شارەداری هەڕەشەی ئەوەی کردووە کە ماڵەکەم دەڕووخێنن.
ئەو هاووڵاتییە هەروەها وتوویەتی؛ تا ئێستا بەشێک لە ماڵەکەمیان ڕووخاندووە و لە ڕۆژانی داهاتوودا ماڵەکەم بە تەواوی دەڕووخێنن.
ڕووخاندنی ماڵی هاووڵاتییان لە بۆکان لە حاڵێکدایە کە ئەو هاووڵاتییانە تاپۆ و بەڵگەی تەواویان بۆ خانووەکانی خۆیان هەیە.
تا ئێستا شارەداریی بۆکان تەنانەت ڕوونکردنەوەی سەبارەت بەو کارە بۆ هاووڵاتییان نەداوە.
