دەزگا و کۆمیسیۆنەکانی تەشکیلات و ڕێکخستنی حیزبی دێموکرات بەبۆنەی یەکگرتنەوەی دێموکراتەکان داواکارییەکان ئاراستەی ئەندامانی حیزبی دێموکرات کرد.
دەقی داواکارییەکە بەم چەشنەیە:
بۆ سەرجەم ئەندامانی حیزب لە نێوخۆی وڵات
وێڕای سڵاو و ڕێز.
دوای بڵاوبوونەوەی دوایین ڕاگەیاندراوی ڕێبەریی حیزب و دانی موژدەی یەکگرتنەوەی دێموکراتەکان، لە سەرجەم شار و ناوچەکانی کوردستان جیا لە ئیبتکار تایبەت بە خۆتان و بە پێی مەجال و دەرفەت بەم کارانەی خوارەوە یەکگرتنەوە بکەنە دەرفەتێک بۆ ڕاپەڕاندنی ئەرکی خەباتکارانەتان:
١ـ دەربڕینی شادی و خۆشحاڵی و بڵاوکردنەوەی نوقڵ و شیرینی
٢ـ کۆبوونەوە لە شوێنە گشتییەکان بە جل و بەرگی ڕازاوەی کوردی
٣ـ بەکارهێنانی ڕەنگی شین، جامانە و هەوری
٤ـ سەردانی بنەماڵەی سەربەرزی شەهیدان و زیندانیانی سیاسی
٥ـ بڵاوکردنەوەی گۆرانی و موزیکی شاد و سروودە نیشتمانییەکان
٦ـ هەڵکردنی ئاڵای کوردستان و بڵاوکردنەوەی وێنەی ڕێبەرانی شەهید؛ قازی، قاسملوو و شەرەفکەندی
لە هەر ڕێگایەکەوە بۆتان دەلوێ و دەگونجێ وا بکەن کە شار و دێهاتەکان لە ڕۆژی دوای ڕاگەیاندنی کۆتایی یەکگرتنەوە، حاڵەتێکی نائاسایی پڕ لە خۆشی و شادی پێوە دیار بێت.
یەکگرتنەوەتان لێ پیرۆز بێت.
دەزگا و کۆمیسیۆنەکانی تەشکیلات و ڕێکخستنی حیزبی دێموکرات
