یەکییەتی پیشەیی مامۆستایانی کوردستانی ئێران، بەبۆنەی یەکگرتنەوەی دێموکراتەکان پەیامێکی پیرۆزباییان بڵاو کردەوە.
دەقی پەیامەکە بەم چەشنەیە:
سڵاوێکی شۆڕشگێڕانە!
بەڕێزان:
کاک مستەفا هیجری
کاک خالید عەزیزی
یەکیەتیی پیشەیی مامۆستایانی کوردستانی ئێران، یەکبوونەوە و یەکگرتنەوەی ڕیزەکانی حیزبی دێموکراتی کوردستانی ئێران، لە ئێوەی تێکۆشەر و خەباتگێڕ و کادر و پێشمەرگەی شاخ و شار و لایەنگران و دۆستانی حیزب و خەڵکی ئازادیخوازی ڕۆژهەڵاتی کوردستان پیرۆزبایی دەکەین.
یەکبوونەوەی حیزبی قازی و قاسملوو و شەرەفکەندی کە ئەزموونی ١١مانگ حکوومەتداری و دەیان ساڵ خەباتی زیڕین و پرشنگداری چەکداریی بۆ وەدیهێنانی مافە نەتەوایەتییەکانی گەلی کورد، بە دژی سیستمە دیکتاتۆر و سەرەڕۆکانی پاشایەتی و ئاخوندی هەیە، هەنگاوێکی مەزن و جێگای بایەخە بۆ خەبات و تێکۆشان و شکۆی زیاتر بە حیزبی دێموکرات دەدا، جێگای پشتیوانی و دەسخۆشیی مامۆستایانی سەنگەری زانکۆ و قوتابخانەکانی کوردستانە.
بەردەوام بێ خەباتی شار و شاخ
یەکیەتیی پیشەیی مامۆستایانی کوردستانی ئێران
٣١ گەلاوێژی ٢٧٢٢ی کوردی
