ڕۆژی دووشەممە ١٠ی گەلاوێژی ١٤٠١ی هەتاوی پێنج کەس لە ئەندامانی بنەماڵەیەکی حیزبدۆست و تێکۆشەری ماموستا مەلا "ئەحمەد دافعی" لە ڕووداوێکی هاتوچۆدا لەنێوان گوندەکانی "کاولان و چۆمەڵ" گیانیان لەدەست دا و سێ کەسیش بریندار بوون.
ئەو کەسانەی لەو ڕووداوەدا گیانیان لەدەست داوە بریتین لە: "مەلا محەممەد دافعی، کەژاڵ دافعی، غونچە محەممەدی، عایشە محەممەدی و مەحموود ئیبراهیمی".
مامۆستا مەلا "ئەحمەد دافعی" یەکێک لە هەوادارنی حیزبی دێموکرات و سیمایەکی ناسراوی دژی ڕێژیمی شا بوو کە لە بزووتنەوی شۆڕشەکانی ساڵی ٤٦ ـ ٤٧یشدا ڕۆڵێکی بەرچاوی هەبوو.
تەرمی ناوبراون لەنێو ئاپۆڕای خەڵکی ناوچەدا بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە و خزم و کەسی ناوبراوان دەکات و خۆی بە هاوبەشی خەمیان دەزانێت.
