بەبۆنەی یەکگرتنەوەی ڕیزەکانی حیزبی دێموکرات، کۆمەڵێکی بەرچاو لە مامۆستایانی شاری بۆکان پەیامێکی پیرۆزباییان ڕوو لە خەڵکی کوردستان و حیزبی دێموکرات بڵاو کردەوە.
لە پەیامی ئەو مامۆستایانەدا هاتووە، سڵاو و ڕێز بە تینی خۆری ئاڵا لە ئێوە پارێزەرانی وڵات.
تاکە هەوێنی سەرکەوتن یەکگرتووییە. یەکگرتنەوەی دوو لایەنی دێموکرات خۆشی خستە نێو دڵی تاک بە تاکی کوردەواری و بزەی خستە سەر لێوی هەر دڵسۆزێکی ئەم نیشتمانە خۆشەویستە.
بەو یەکگرتنەوەیە ورە و وزە نە تەنیا لەنێو خەباتکارانی وڵات، بەڵکوو لە دڵی هەموو خەڵکی کوردستاندا چەند قات بەرزتر بووەتەوە.
بەو یەکگرتنەوەیە ڕێز و حورمەت و گەورەیی حیزبی دێموکرات چەند هێندەی ڕابردوو ڕووی لە گەشەکردن کرد.
ئەو سەرکەوتنە گەورەیە بەرز و پیرۆز بێ لە هەموو قوتابییانی مەکتەبی پێشەوا و درێژەدەرانی ڕێگای شەهیدانی نیشتمان.
