ئەندامان و لایەنگرانی حیزبی دێموکرات لە گوندی "ڕوار" سەر بە ناوچەی هەورامان پەیامێکی پیرۆزباییان ڕوو لە خەڵکی کوردستان و حیزبی دێموکرات بڵاو کردەوە.
لەو پەیامەدا هاتووە:
ڕێبەریی حیزبی دێموکراتی کوردستانی ئێران
وێڕای سڵاوێکی گەرم و شۆڕشگێڕانە
ئێمە وەک ئەندامان و لایەنگرانی حیزبە خۆشەویستەکەمان، حیزبی دێموکرات لە گوندی "ڕوار"ی سەر بە ناوچەی هەورامان، پڕبەدڵ یەکگرتنەوەی بنەماڵەی گەورەی دێموکرات لەژێر ناوی حیزبی دێموکراتی کوردستانی ئێران بە هەموو ئەندامانی ڕێبەری، کادر و پێشمەرگەکان و هەموو کۆمەڵانی خەڵکی ڕۆژهەڵاتی کوردستان پیرۆزبایی دەڵێین وهیوادارین بە یەکگرتنەوەی حیزبی دێموکرات، گوڕ و تینێکی نوێ لەپێناو خەبات بۆ وەدەستهێنانی مافی نەتەوایەتیمان لە ڕۆژهەڵاتی کوردستان دەست پێ بکات.
بێگۆمان یەکگرتنەوەی بنەماڵەی گەورەی دێموکرات، هیوا و وزەیەکی نوێ لەنێو خەڵکی مافخوازی ڕۆژهەڵاتی کوردستان پێک دەهێنێ و ورە و وزەی تێکۆشەرانی دێموکرات لە نێوخۆی وڵات دووقات و چەند قات بەرز دەکاتەوە.
لە کوتاییدا بەڵێن و وەفا بۆ خەبات لەپێناو خۆێنی شەهیدان و ئامانجە بەرزەکانی حیزبە خۆشەویستەکەمان دووپات دەکەینەوە و بە دڵ و گیان ئامادەیی خۆمان بۆ هەر چەشنە ئەرکێکی حیزبی دەردەبڕین.
سڵاو لە حیزبی دێموکراتی کوردستانی ئێران
سڵاو لە بنەماڵەی سەربەرزی شەهیدان و زیندانییانی خۆڕاگری سیاسی
سەرکەوێ خەباتی مافخوازانەی نەتەوەی کورد لە ڕۆژهەڵاتی کوردستان.
ئەندامان و لایەنگەرانی حیزبی دێموکراتی کوردستانی ئێران لە گوندی "ڕوار"ی ناوچەی هەورامان
