بەشێک لە مامۆستایانی ئایینی لە ناوچەکانی ورمێ و دەورووبەری بەبۆنەی یەکگرتنەوەی حیزبی دێموکراتی کوردستانی ئێران و حیزبی دێموکراتی کوردستان پەیامێکی پیرۆزباییان بڵاو کردەوە.
دەقی پەیامەکە بەم چەشنەیە:
سڵاو و ڕێز
ئێمە ژمارەیەکی زۆر لە مامۆستایانی ئایینی لە ناوچەکانی ورمێ ودەورووبەری ساڵڕوژی دامەزرانی حیزبی دێموکرات و یەکگرتنەوەی حیزبی دێموکراتی کوردستانی ئێران و حیزبی دێموکراتی کوردستان لە ڕێبەریی حیزب، هەموو کادر و پێشمەرگەکانی حیزب وئەندامان ولایەنگرانی حیزب پیرۆز دەکەین.
هەروەها ڕادەگەیەنین ئیمە ژمارەیەکی زۆر لە مامۆستایانی ئایینی خۆمان بە درێژەدەری ڕێبازی سەرکۆماری کوردستان پێشوا قازی و قوتابییانی دەزانین، هەر ئەرکێک بکەوێتە سەر شانمان بە دڵ و گیان ئامادەین لەو ڕێبازە کە ڕێبازی ڕاست و دروستی ڕزگاریی گەلی کوردە ئەنجامی بدەین.
سڵاو لە قازی، قاسملوو و شەڕەفکەندی
سڵاو لە ڕۆحی شەهیدانی کوردستان
سڵاو لە حیزبی دێموکراتی کوردستانی ئێران
سەرکەوێ کوردستادن
ژمارەیەک لە مامۆستا وپێشنوێژی ئایینی ناوچەکانی ورمێ
