تۆڕێکی قاچاخ و دزینی دار بەڕوو لە "سەردەشت" شەوانە بە نەهێنی دەچن دارەکانی دەوروبەری شاری "سەردەشت" دەبڕن و ڕەوانەی شارەکانی دیکەی دەکەن.
بەپێی زانیارییەکان دەیان ماشینی توێتا لە ڕێگای "نەڵاس" سەر بە "سەردەشت" ئەو دار بەڕوانە بار دەکەن و لەگەڵ ئیسکۆرت دەچنە گوندێک لە نێوان شاری "مەهاباد و میاندوئاو".
ئەو توێتایانە لەلایەن خەڵکەوە بەتایبەتی لە چەند شەوی ڕابردوودا خراونەتە ژێر چاودێری و ناسراونەتەوە.
کەسێکی خەڵکی "میاندوئاو" ئیسکۆرتی ئەو ماشینانە دەکات تاکو دەگەنە شوێنی مەبەست.
هەروەها باری ئەو ماشینانە لە سێڕای گوندی "ترشەکانـ"ـی نێوان "مەهاباد و میاندوئاو" بەتال دەکرێن و دەیانبەنە گوندەکانی "حاجی خۆش و دارلک" و لە ئاکامدا لە کۆگاکانی ئەو گوندانەدا دەکرێن بە خەڵووز.
دارب ەڕوو بە هێمای زاگرۆس ناسراوە و وەکوو سامانێکی گشتیی چاوی لێدەکرێت کە کەسانی هەلپەرست و مۆرەکانی سەر بە ڕێژیم بۆ نەمانی ئەو سامانە سروشتییە بەربوونەتە گیانی و لەنێوی دەبەن.
