وەرزشوانێکی کوردی خەڵکی شاری "کەنگەڤەر" سەر بە پارێزگای "کرماشان" لە خولێکی نوێی کێبڕکێیەکانی ڕەزمیی ئورووپادا توانی میداڵی زێر بۆخۆی مسۆگەر بکات.
ئەو کێبڕکێیە لە ڕۆژاوای ئورووپا و بە بەشداریی ١٥ وڵات بە خانەخوێیی وڵاتی بێلژیک بەڕێوە چووە.
"فەرشا گردەکانە" لە ڕشتەی "جوجیتسۆ" لەو کێبڕکێیانەدا بەشدار بووە.
ئەو ورزشوانە کوردە تەمەنی ٢٨ ساڵە و ماوەی دوو ساڵە لە وڵاتی بێلژیک ژیان دەکات، هەتا ئێستا توانیویتی لە کێشی ٧٦ کیلۆ گڕەم لە ڕشتەکانی "ئێم، ئێم، ئێی، جوجیتسۆ و گرپلینگ" دوو جار پاڵەوانییەتی لە وڵاتی بێلژیک و چەند جار پلەی دووی قارەمانییەتی لە ئاستی ئورووپادا بەدەست بهێنێت.
"فەرشاد گردەکانە" لە پێڕەوانی ئایینی یارسانە کە لە پیشەی "مۆد"یش بە شێوەی پرۆفێشناڵ کار دەکات.
