![](/content/upload/1/news/55725_w920.jpg)
"دێنیس ڕاس"، ڕاوێژکاری تایبەتی پێشووی باراک ئۆباما دەڵێت: "بە بێ هەڕەشەی سەربازی، ڕێژیمی ئێران زوو یان درەنگ دەستی بە چەکی ناوکیی ڕادەگات".
"ڕاس"، ڕاوێژکاری تایبەتی پێشووی باراک ئۆباما، ڕۆژی یەکشەممە ٢٠ی خەرمانان لە بابەتێکدا بۆ" دامەزراوەی واشنتۆن" نووسیویەتی: "دەبێ دەوڵەتی ئێستای ئامریکا هەڕەشەیەکی توندی سەربازی لە ڕێژیمی ئێران بکا و ئەگەر ئەو کارە نەکا ئەو ڕێژیمە درەنگ یان زوو دەستی بە چەکی ناوکی ڕادەگات دەبێتە مەترسییەک بۆ سەر ئاشتی و سەقامگیری هەموو جیهان".
ناوبراو هەروەها لە بابەتەکەیدا نووسیویەتی: "بووژانەوەی ڕێککەوتنی ناوکی کۆتایی بە هەڕەشەکانی ڕێژیمی ئێران ناهینێت و کارێک کە ڕێککەوتنی بەرجام دەیکات تەنیا ئەوەیە کە تا ساڵی ٢٠٣٠ی زایینیی کات بۆ ڕۆژاواییەکان دەکڕێ".
"دێنیس ڕاس" هەروەها وتیشی: "تا ئەو کاتەی بەرپرسانی ڕێژیمی ئێران دڵنیان لەوەیکە ئامریکا هیچ هەوڵێکی سەربازی دژی بەرنامەی ناوکی ئێران نادات، ڕیژیمی ئێران ڕۆژبەڕۆژ زێدەخوازتر دەبێ و زیاتر هەوڵ دەدات کە باج لە وڵاتانی ڕۆژاوایی و ئامریکا وەربگرێ".