کوردستان میدیا

ماڵپەڕی ناوەندیی حیزبی دێموکراتی کوردستانی ئێران

پیرۆزبایی حیزبەكانی چوارپارچەی كوردستان بەبۆنەی یەكبوونەوەی حیزبی دێموكراتەوە

13:23 - 23 خەرمانان 2722

لە هەر چوارپارچەی کوردستانەوە حیزبە سیاسییەکان بەمەبەستی پیرۆزبایی بەبۆنەی یەکبوونەوەی حیزبی دیموکرات سەردانی نوێنەرایەتیی حیزب لە شاری هەولێریان کرد.

لە ڕۆژانی دووشەممە و سێشەممە، ٢١ و ٢٢ی خەرمانان (١٢-١٣/٩/٢٠٢٢)دا دەیان حیزب و لایەنی سیاسی، لە چوار بەشی كوردستانەوە بەبۆنەی یەكبوونەوەی حیزبی دێموكراتی كوردستانی ئێران، سەردانی نوێنەرایەتیی حیزبی دێموكرات لە شاری هەولێریان كرد و لەلایەن شاندی پێشوازیكەری ڕێبەرایەتیی حیزبی دێموكراتەوە بە سەرپەرستیی محەممەد نەزیف قادری پێشوازیان لێكرا.

لەو کۆمەڵە سەردان و دیدارە بەجیایەدا، شاندی نوێنەرایەتیی ئەو حیزب و لایەنە سیاسییانە وێڕای دەربڕینی دڵخۆشیی و پیرۆزبایی خۆیان بەبۆنەی ئەو بڕیارە مێژووییەوە كە یەكبوونەوەی حیزبی دێموكراتی مسۆگەر كردووە، هیوایان خواست ئەو ئەزموونە سەركەوتووانەیە بكەوێتە خزمەت تەبایی و یەكڕیزی بزووتنەوەی نەتەوەیی كوردستان لە هەرچوار بەشی كوردستان.

ناوی بەشێک لەو حیزب و لایەنە سیاسییانە کە سەردانی نوێنەرایەتیی حیزبیان کردووە بریتین لە:

لە باشووری کوردستان:

 - مەڵبەندی ٣ی یەكیەتیی نیشتمانیی كوردستان

-  حیزبی شیووعیی كوردستان

-  حیزبی زەحمەتكێشانی كوردستان

-  یەكیەتی نەتەوەیی دێموكراتی كوردستان

-  بزووتنەوەی دێموكراتی گەلی كوردستان

- حیزبی ڕزگاریی كوردستان

 -  پارتی پارێزگارانی كوردستان

لە باکووری کوردستان

-  پارتی دێموكراتیكی گەلان  HDP

-  پارتی ماف و ئازادی HAKPAR

 ـ پارتی سۆسیالیستی كوردستان  PSK

-  كۆنگرەی نەتەوەیی كوردستان KNK

لە ڕۆژهەڵاتی کوردستان:

-  كۆمەڵەی شۆڕشگێری زەحمەتكێشانی كوردستان

-  كۆمەڵەی زەحمەتكێشانی كوردستان

-  حیزبی كومۆنیستی ئێران- كۆمەڵە

 ـ  سازمانی خەباتی كوردستانی ئێران

-  پارتی سەربەستیی كوردستان

-  بزووتنەوەی كۆماریخوازانی ڕۆژهەڵاتی كوردستان

 - پارتی وڵاتپارێزانی كوردستان

لە ڕۆژاوای کوردستان:

-  ئەنجومەنی نیشتمانیی كوردی لە سووریە ENKS كە لە شازدە حیزب و لایەنی سیاسی پێك‌هاتووە

-  پارتی یەكیەتی دێموكراتی كورد لە سووریە

-  پارتی دێموكراتی كوردستان- سووریە

-  پارتی گەلی كوردستان لە سووریە

 - پارتی شەپێلا پێشەڕۆژ