ڕۆژی شەممە ڕێکەوتی ٢٦ی خەرمانانی ١٤٠١ی هەتاوی لە ڕێوڕەسمی بەخاکسپاردنی "ژینا ئەمینی"، هێزەکانی ڕێژیم هێرشیان کردە سەر خەڵک و چەندین کەس بریندار بوون.
لەبەر دەرگای فەرمانداریی شاری سەقز هێزەکانی ڕێژیم هێرشیان کردە سەر ئەو خەڵکەی کە بۆ ڕێوڕەسمی ناشتن و بەخاکسپاردنی "ژینا ئەمینی" کۆ ببوونەوە.
هێزەکانی ڕێژیم بە بەکارهێنانی فیشەکی ساچمەیی و گازی فرمێسکڕێژ ویستوویانە کە بڵاوە بە خەڵکی ناڕازی بکەن و لەو پەیوەندییەدا چەندین کەس بریندار بوونە.
ڕێژیم بە بەکارهێنانی توندوتیژی و سەرکوت، لە هەوڵی ئەوەدایە کە ڕێگا لە دەنگی ناڕازی و تەشەنەکردنی ناڕەزایەتییەکان بگرێت.
هەر لەو پەیوەندییەدا هێڵی ئینتێرنێت و تەلەفوون لە شاری سەقز پچڕاوە و ڕێگا لە پەیوەندیی هاووڵاتییان پێکەوە گیراوە.
