ناوەندی هێزی پێشمەرگەی کوردستان لەبارەی پیلانێکی مەترسیداری ڕێژیم لە شارەکانی کوردستان ئاگادارییەکی بڵاو کردەوە.
دەقی ئاگادارییەکە:
بە ئاگاداری خەڵکی تێکۆشەری کوردستان ڕادەگەیەنین کە بەپێی ئەو زانیارییانەی لە چەند شاری کوردستانەوە بە دەستمان گەیشتوە، بەرپرسانی سپای پاسداران و ئیدارەی ئیتلاعات پیلانیان دارشتوە کۆمەلێک جاش بە لیباسی پێشمەرگە و بە دروشمی حیزبی لەنێو خۆپێشاندانەکان تەقەی هەڕەمەکی لە خەڵک بکەن. ڕوون و ئاشکرایە کە ئەم پیلانە تەنیا و تەنیا بە مەبەستی بەدناوکردنی پێشمەرگەیە و گۆڕینی ئاراستەی خۆپیشاندان و ناڕەزایەتییەکان بەرەو ئاقارێکی دیکەیە. هەروەها ئەو نیازەی لە پشتە کە هێزە سەرکوتکەرەکانی ڕێژیم وەک پیشەی هەمیشەیی خۆیان بیانووی سەرکوتی زیاتریان دەست کەوێ.
هەربۆیە بە خەلکی کوردستان ڕادەگەینین، وریای ئەم پیلانە مەترسیدارەی ڕێژیم بن و ڕێگا نەدەن ڕەوتی خۆپێشاندانەکان بکەویتە دەست ژوورە فکرییەکانی سپای پاسداران و ئیتلاعات.
هێزی پێشمەرگەی کوردستان بە کردەوەی شۆڕشگێرانە و ڕەفتاری جوان دەناسرێتەوە و کردەوکانی سەلمێنەری ئەم ڕاستییەن.
ناوەندی هێزی پێشمەرگەی کوردستان
٣١ ی خەرمانی ١٤٠١ هەتاوی
