"سەلیم حەقیقی" نووسەری ڕۆمانی "قەرەچ" لەلایەن لێژنەی ڕێکخراوی جیهانیی مافی مرۆڤ لە ئامریکا، دوکتورای شانازیی پێ‌بەخشرا.
"سەلیم حەقیقی" نووسەر و وەرگێڕی خەڵکی شاری شنۆ، لە ڕۆژهەڵاتی کوردستان کە ئێستا دانیشتووی وڵاتی "نۆروێژ"ە، ساڵی ٢٠٢١ ژیان و بەسەرهاتی خۆی لە چوارچێوەی ڕۆمانێکدا بە ناوی "قەرەچ" چاپ و بڵاو کردەو.
ئەم ڕۆمانە پێشوازییەکی زۆری لێکرا و بڕیار دراوە وەربگێردرێتەوە بۆ سەر چەند زمانی دیکەی جیهانیش.
نووسەری ئەو ڕۆمانە کە هەوڵی داوە خەیاڵ و ڕاستیی ژیانی بکاتە هەوێنی ئەم بەرهەمە، لە ڕووداوێکی سەیروسەمەرەدا لە نێوەڕاستەکانی دەیەی نەوەدی زایینی لە ناوچەیەکی باشوروری کوردستان، بە مەبەستی ڕاستکردنەوەی بە ڕێژیمی ئێران دەکوژرێ و تیرۆر دەکرێ، بەڵام دیسان لە مەرگ ڕزگار دەبێ، ئەو بۆ درێژەی دەچێتە بەغدا و لەوێش تووشی ڕووداوی سەیر دەبێ.
دوای هەڵسەنگاندن و خوێندنەوەی ڕۆمانی "قەرەچ" لێژنەی ڕێکخراوی جیهانیی مافی مرۆڤ لە ئامریکا لە عێراق، دکتورای شانازیی مافی مرۆڤی وەک ڕێز لێنان بەخشییە نووسەری ئەم ڕۆمانە.
