ناوەندی هێزی پێشمەرگەی کوردستان بە بڵاوکردنەوەی ڕاگەیەندراوێک ڕایگەیاند کە لاشەی تێکشکاوی یەکێک لە درۆنەکان لە نزیک گردچادر کەوتۆتە بەردەستی هێزی پێشمەرگە.
دەقی ڕاگەیەندراوەکە:
لە هێرشی ڕۆژی ٦ی رەزبەری هێزە تیرۆریستییەکانی کۆماری ئیسلامی بۆ سەر بنکەکان و بنەماڵەکانی حیزبی دێموکراتدا، لە مووشەکی بالستیک و درۆنی خۆتەقێن کەڵکی وەرگرت.
بۆ ئاگاداریی بیروڕای گشتی ڕادەگەیەنین کە بە تەقەی پەدافەندی هێزی پێشمەرگەی کوردستان چەند درۆنێک پێکران، کە لاشەی تێکشکاوی یەکێکیان لە نزیک گردچادر کەوتە بەردەستی هێزی پێشمەرگە.
ناوەندی هێزی پێشمەرگەی کوردستان
٧ی رەزبەری ١٤٠١
