خەڵکی خەباتکار و ئازادیخوازی ئێران!
هەڵسوڕاوان و چالاکانی مەدەنی!
کۆماری ئیسلامی ئێران لەهەمبەر ناڕەزایەتییەکانی ڕەوای خەڵک چ لە کوردستان و چ لە ئاستی ئێران سیاسەتی سەرکوتی گرتۆتە بەر.
بە تەقەکردن و کوشتنی خەڵک لە شارەکان، هێرشی مووشەکی بۆسەر شوێنی نیشەجێبوونی حیزبەکان، دەسبەسەرکردنە بەربڵاوەکانی چینی جۆربەجۆری کۆمەڵگە و چالاکانی کۆمەڵایەتی، بەتایبەی چالاکانی ژنان و کەشی ئەمنییەتیی توند هەوڵ دەدا بەرخودانی خەڵک دابمرکێنی.
بەشێکی زۆر لە ڕەوتە سیاسییەکانی وەک: شووڕای مودیرییەتی گوزار، یەکیەتیی بۆ ئازادی و بەرامبەری لە ئێران، شوڕای تەسمیم، شوڕای دێموکراسیخوازان، کۆنگرەی نەتەوەکانی ئێران و ڕێکخراوی موجاهیدینی خەلقی ئێڕان وێڕای بەشێکی بەرچاو لە ڕێکخراوە مەدەنیی و کەسایەتییە سیاسییەکان، پشتیوانیی خۆیان بۆ ناڕەزایەتی و مانگرتنی داواکراو لەلایەن ناوەندی هاوکاری حیزبەکانی کوردستانی ئێران بۆ مانگرتنی سەرانسەری لە کوردستان، هەروەها خوازیاری مانگرتن و ناڕەزایەتی گشتی لە سەرجەم شارەکانی ئێران لە ڕۆژی شەممە ٩ی ڕەزبەرن.
ناوەندی هاوکاری حیزبەکانی کوردستانی ئێران وێڕای سپاس و پێزانین لەم بانگەوازانە. داوا لە هەموو خەڵکیی ئێران لە بازاری، کرێکاران، کارمەند، قوتابی و هەموو سنف و بەشە جۆراوجۆرەکانی خەدەماتی و ئابووری دەکا بەپیل ئەم بانگەوازە بێن و بە مانگرتنێکی بێ وێنەی گشتی لە هەموو شارەکانی ئێران دەنگی خۆمان هەراوتر و یەکگرتووانە بە گوێی جیهان بگەیەنن هەتا ماشینی سەرکوتی ڕێژیم ناچار بە پاشەکشە بێ، هەتا ئازادی یدەسبەسەرکراوەکان، کۆتایی هێنان بە کەشی پۆلیسی و ئەمنییەتی و هەروەها لابردنی یاساگەلی دژەژن لە ئێران بێتە دی.
ناوەندی هاوکاریی حیزبەکانی کوردستانی ئێران
٨ی ڕەزبەری ١٤٠١
