وشکەساڵی لە پارێزگای کرماشان بووەتە هۆی ئەوەیکە زۆربەی زەوییە کشتوکاڵییەکان لەکار بکەون و ١٠ هەزار و ٧٠٠ میلیارد تمەن خەسار بە بەشی کشتوکاڵی ئەو پارێزگایە بگات.
"توورەج خانزاد" سەرۆکی ئیدارەی بەڕێوەبەریی قەیران و کەمکردنەوەی مەترسییەکانی بەشی کشتوکاڵی ڕێژیم لە پارێزگای کرماشان وتوویەتی لە ساڵی ڕابردوودا، ویشکەساڵی ١٠ هەزار و ٧٠٠ میلیارد تمەن خەساری بە بەشی کشتوکاڵی ئەو پارێزگایە گەیاندووە.
ئەو کاربەدەستەی ڕێژیم هەروەها وتوویەتی کە ٧٠ لەسەدی زەوی کشتوکاڵیی پارێزگای کرماشان کە "دێمـ"ـین، هەشت هەزار میلیارد تمەن خەساریان پێگەیشتووە.
