خەڵکی شۆڕشگێڕ و خەباتکاری کوردستان لە مانگرتن و ناڕەزایەتی و خۆپیشاندانەکان دژی ڕێژیمی دیکتاتۆر لە ئێران بەردەوامن.
ئەمڕۆ یەکشەممە، ٢٣ ڕۆژ بە سەر ڕاپەڕینی خەڵکانی ئێران و کوردستاندا تێدەپەڕێت.
ڕێژیمی ئێران بەردەوام هەوڵی داوە خەڵک دەسبەسەر بکات و بەتوندترین شێوە خەڵکی ڕاپەڕیوی سەرکوت کردووە.
سەرەڕای ئەمانەش خەڵک لە خۆپێشاندان، مانگرتن و ڕاپەرین بەردەوامن.
بەرەبەیانیی ئەمڕۆ یەکشەممە ڕێکەوتی ١٧ـی ڕەزبەری ١٤٠١ـی هەتاوی خەڵکی شاری مەریوان لە ناڕەزایەتی دژ بە زوڵم و ستەمی ڕێژیم لە حەرەکەتێکی شۆڕشگێڕانەدا دووکان و بازاڕەکانی خۆیان داخست.
خەڵک بەو حەرەکەتە نیشانیان دا کە سەرکوتی ڕێژیم بە هیچ چەشنێک لەسەریان وەڵام ناداتەوە و ئەوان هەر ڕۆژە و بە شێوەیەک ناڕەزایەتی و تووڕەیی خۆیان لەو دەسەڵاتە دیکتاتۆرە نیشان دەدەن.
لە بەرەبەری ٢٣ـەمین ڕۆژی ڕاپەڕینی خەڵکی کوردستان و ئێران، خەڵک تا ئێستا لە شێوازی جۆراوجۆر بۆ بەربەرەکانێ دژی ڕێژیم کەڵکیان وەرگرتووە و ئیرادەی خەڵک ئەو ڕێژیمەی وەلەرزە خستووە.
