ئەمڕۆ یەکشەممە، ١٧ی ڕەزبەر ، خەڵکی کوردستان لە شارەکانی وەک سنە، کرماشان، مەریوان، سەقز، مەهاباد، مەریوان و چەند شاری دیکە ڕژاونەتە سەر شەقامەکان.
دۆخی ئەو شارانە زۆر ئاڵۆزە و هێزەکانی ڕێژیمی ئێران و خەڵک تووشی شەڕ و پێکدادان بوونە.
لە کرماشان لە گەڕەکی تاق وەسان خەڵک و هێزەکانی ڕێژیمی ئێران تووشی شەڕ بوونە.
خۆپیشاندەران لە کرماشان دروشمی مەرگ بۆ دیکتاتۆر دەڵێنەوە.
دۆخی شارەکانی دیکەش ئاڵۆزە و خەڵک لە شەقامەکاندا ئاگریان هەڵ کردووە و ڕێگاکانیان گرتووە.
لە تاران، ڕەشت و چەند شاری دیکەش خەڵک ڕژاونەتە سەر شەقامەکان و دژی ڕێژیمی ئێران خۆپێشاندان بەڕێوە دەبن.
