ڕۆژی هەینی، ١٥ی ڕەزبەر سێ کەسی خەڵکی مەهاباد بە ناوەکانی "فاخر ئاریا" و خێزانەکەی بە ناوی "سێوێ" و کچە بچووکەکەی بەناوی "ڤیان" بەهۆی ڕووداوی هاتوچۆ گیانیان لەدەست دا.
کاک "فاخر ئاریا" و بنەماڵەکەی کە بۆ ناونووسیی کچەکەیان لە زانکۆی هەمەدان سەردانی ئەو شارەیان کردبوو، لە کاتی گەڕانەوەدا تووشی ڕووداوی هاتوچۆ بوون و بەهۆی بەریەککەوتن لەگەڵ بارهەڵگرێک هەر سێکیان گیانیان لەدەست دا.
ناوەندی ڕاگەیاندنی حیزبی دێموکرات سەبارەت بەو کارەساتە دڵتەزێنە سەرەخۆشی لە بنەماڵەی کاک "فاخر ئاریا" و کەسوکاری دەکا و لەو خەمەدا خۆی بە هاوبەشیان دەزانێت.
