خۆپیشاندانەکان لە کوردستان بەردەوامن و ئەمڕۆ لە بیست و چوارەمین ڕۆژی خۆپیشاندانەکاندا خەڵک ڕژاونەتەوە سەر شەقامەکان.
بەپێی هەواڵی گەیشتوو بە ناوەندی هەواڵی حیزبی دێموکراتی کوردستانی ئێران لە نیوەڕۆوە خەڵكی شارەکانی "دێولان" و "سنه" ڕژاونەتە سەر شەقام و دژی ڕێژیمی ئێران ڕاپەڕیون. بەپێی ئەو هەواڵە لەنێو خەڵک و هێزەکانی ڕێژیمدا شەڕ و لێکدان لە ئارادایە و، هێزەکانی ڕێژیم توانای بەرەنگاربوونەوەی خەڵکیان نییه.
لە شاری "دێولان" یش دۆخەکە بەو شێوەیە و خەڵکی ئەو شارە بە بوێرییەوە دروشمی دژ بە ڕێژیمیان بەرز کردۆتەوە و شەقامەکانیان پڕ کردووە.
لە شاری سنە ڕێکخراوەکان بانگەوازیان کردوە کە خەڵک دوانیوڕۆ بێنە سەر شەقامەکان و خۆپیشاندانەکانی دژی ڕێژیمی ئێران بەرینتر بکەنەوە.
