لە خۆپیشاندانەکانی شەوی ٢١ی ڕەزبەر لە شاری بۆکان هاووڵاتییەکی نیشتمانپەروەری ئەو شارە بە ناوی کاک "کەماڵ فەقیهی" بە تەقەی ڕاستەوخۆی هێزە جینایەتکارەکانی ڕێژیم شەهید بوو.
كەماڵ فەقیهی كوڕی محەممەد و دانیشتوی شاری بۆكان لە ڕێكەوتی ٢١ی ڕەزبەر لە سەربانی ماڵی خۆیانەوە بە تەقەی ڕاستەوخۆی هێزە دژی گەلییەکانی ڕێژیم شەهید بوو.
شەهید كەماڵ فەقیهی موهەندیسی ڕشتەی میکانیک بوو و لە "وزەخانەی بناو" كاری دەكرد.
ناوبراو كاتێک لە زانكۆش بوو بەردەوام داکۆکی لە مافی ڕەوای گەلەكەی دەکرد و هەر بەم بۆنەوە چەند جارێكیش لەلایەن حەراسەتی زانكۆوە هەڕەشە و لێپیچینەوەی لێكرابوو.
ناوەندی ڕاگەیاندنی حیزبی دێموکراتی کوردستانی ئێران، پرسە و سەرەخۆشیی خۆی ئاراستەی بنەماڵە و کەسوکاری شەهید کەماڵ فەقیهی و هەموو شەهیدانی ئەو قۆناغەی ڕاپەڕینە سەرتاسەرییەکانی ئێران دەکات و خۆی بە هاوبەشی خەمیان دەزانێت.
