"مێگان مارکێل" هاوژینی شازادە "هەری" بە پۆشینی جلێک کە دروشمی "ژن، ژیان، ئازادی"ی لەسەر نووسرابوو پشتیوانیی خۆی لە بزووتنەوەی ژنان و ڕاپەڕینی گەلانی ئێران دەربڕی.

بە دوای خۆپیشاندانی هاووڵاتییان لە ئێران و کوردستان سەبارەت بە قەتڵی حکوومەتیی "ژینا ئەمینی" کە کاردانەوەیەکی جیهانی و نێوخۆیی لێ کەوتەوە بەشێکی زۆر لە هونەرمەندان، شاعیران، وەرزشوانان، نووسەران، کەسایەتییە بەناوبانگەکانی سەرتاسەری جیهان بە شێوازی جۆراجۆر پشتیوانی و هاوخەمیی خۆیان دەربڕی.