شەوی هەینی ڕێکەوتی ٢٢ی ڕەزبەری ١٤٠١ی هەتاوی، "مام ئەحمەد کاهی" کوڕی ''کاکەخان کاهی'' لە گوندی "ورا" لە ناوچەی هەورامان کۆچی دوایی کرد.
"مام ئەحمەد کاهی" لە بنەماڵەیەکی کوردپەروەر و حیزبدۆست لە دایک بووە و دوای شۆڕشی گەلانی ئێران پەیوەستی ڕیزەکانی شۆڕش لە حیزبی دێموکرات دەبێت.
مام ئەحمەد لە ماوەی ژیانی پێشمەرگایەتیدا کەسێکی دڵسۆز و شۆڕشگێڕ و پابەند بە ئامانج و بیروباوەڕەکانی بووە و وەکوو ئەرکێکی نیشتمانی لەپێناو ڕزگاریی گەل و وڵاتەکەیدا پێشمەرگایەتی کردووە.
دوای چەند ساڵ پێشمەرگایەتی، دەگەڕێتەوە ناوچەکەی خۆیان و وەکوو کەسێکی پاک و بێگەرد و وەفادار بە ڕێبازە پیرۆزکەی دەمێنێتەوە.
بەداخەوە شەوی هەینی لەسەر شەممە ڕێکەوتی ٢٢ لەسەر ٢٣ی ڕەزبەری ١٤٠١ی هەتاوی، دڵە گەورەکەی لە لێدان دەکەوێت و بۆ هەمیشە ماڵاوایی لە گەل و نیشتمانی پیرۆزی دەکات.
تەرمی پیرۆزی ناوبراو لە گوندەکەی خۆی واتە "ورا" بە خاکی پیرۆزی کوردستان سپێردرا.
حیزبی دێموکراتی کوردستانی ئێران سەرەخۆشی لە خزم و کەسوکاری ناوبراو و هەموو خەڵکی ناوچەکە دەکات و خۆی بە هاوبەشی خەمیان دەزانێت.
