ئەمڕۆ یەکشەممە ١ی خەزەڵوەری ١٤٠١ی هەتاوی، بەشێک لە مامۆستایانی قوتابخانەکان لە چەندین شاری کوردستان لەسەر بانگهێشتی شوڕای هاوئاهەنگیی دامەزراوە سێنفییە فەرهەنگییەکانی ئێران سەبارەت بە شەهیدبوون و دەسبەسەرکرانی قوتابییان لەلایەن هێزەکانی ڕێژیمەوە مانیان گرت.
هەتا ئێستا لە شارەکانی "مەریوان، سەقز و کامێران" مانگرتنی مامۆستایان دەستی پێ کردووە.
لەسەر ڕاپۆرتی کۆمیتەی بەدواداچوونی دۆخی دەسبەسەرکراوانی شۆڕشی سەرانسەریی گەلانی ئێران دژی ڕێژیم لە ڕەوتی خۆپیشندانەکاندا هەتا ئێستا لانیکەم ٣٢٠ مێرمنداڵ دەسبەسەر کراون و ٣٢ مێرمنداڵیش کوژراون.
