ڕۆژی شەممە ٧ی خەزەڵوەر، خوێندکارانی زانکۆی کوردستان لە شاری سنە لە بەردەم ئەو زانکۆیە کۆبوونەوە و دەستیان دایە خۆپیشاندان و دروشمیان دا.
"نەمان بۆ دیکتاتۆر"، " کوردستان کوردستان گۆڕستانی فاشیستان"، "یاشاسن کوردستان بژی ئازەربایجان"، "دایە مەگری بۆ ڕۆڵە، شەرتە بستێنین تۆڵە"، "بەسیجی سپایی داعشی ئێمە تۆی" و چەندین دروشمی دیکە لەو دروشمانە بوون کە خوێندکاران لە بەردەم زانکۆ دەیانوتەوە.
بە دوای پەرەسەندنی خۆپیشاندانی خوێندکاران، هێزە ئەمنییەتییەکانی ڕێژیم هێرشیان کردە سەر خوێندکاران و شەڕ و تێکهەڵچوون ڕووی دا.
سەرەڕای هێرش و توندوتیژی هێزەکانی ڕێژیم، خوێندکاران لە خۆپیشاندانی خۆیان بەردەوام بوون.
