لاوانی شۆڕشگێڕی شاری "سەوڵاوا" سەر بە پارێزگای سنە، شەوی دووشەممە ٩ی خەزەڵوەر بۆ درێژەدان و پشتیوانی لە شۆڕشی ژینا چالاکیی تەبلیغییان بەڕێوە برد.
لاوانی شۆڕشگێڕ لەو چالاکییەدا لەسەر بڵیندگۆی مزگەوتی پۆمپی بێنزینی شاری سەوڵاوا کاتژمێر ١٢ی شەو سروودی شۆڕشگێڕی و نیشتمانییان بڵاو کردەوە و بۆ چەند خولەکێک خۆشییان خستە دڵی خەڵکەوە.
بەکرێگیراوانی ڕێژیم دوای ئاگاداربوونەوە گەیشتنە شوێنی چالاکییەکە و دوای ٢٠ خولەکێک بەهۆی نەدیتنەوەی بڵاوکەرەوەی ئەم سروودە ناچار بوون سیمی بڵیندگۆکان بەگشتی بپچڕێنن.
لاوانی شۆڕشگێڕی نیشتمان لە خۆپیشاندان و ناڕەزایەتیدەربڕین بەردەوامن و لە بەرانبەر سەرکوتی هێزەکانی ڕێژیم کۆڵ نادەن.
