بەپێی هەواڵی گەیشتوو بە ماڵپەڕی کوردستان میدیا، ڕێژیم لە شاری بۆکان، لەلایەن فەرماندارییەوە داوای لە دێهیاریی گوندەکانی ئەو شارە کردووە کە پێش بە کار و چالاکیی خەڵکی ئازادیخواز بگرن.
بەپێی زانیارییەکان داوا لەو دێهیارانە کراوە کە هەر جۆرە دروشم و نووسراوەیەک کە پێوەندیدار بە خۆپیشاندانەکان و بەتایبەت پێوەندیدار بە حیزبەکانی کوردستانی ڕۆژهەڵات بێت دەبێ لەسەر دیواری کۆڵانەکانی گوند بیانسڕنەوە.
ڕێژیمی دیکتاتۆری ئێران لەهەمبەر یەکگرتوویی و بەردەوامیی خەڵک لە خۆپیشاندان بۆ ڕووخانی ئەو ڕێژیمە لە کوردستان بێ توانا ماوەتەوە، بۆیە بە هەموو شێوەیەک هەوڵ دەدات دەنگی ئازادیخوازان کپ بکات.
