ڕۆژی پێنجشەممە ١٩ی خەزەڵوەری ١٤٠١ی هەتاوی، "هەستی حوسێن پەناهی" قوتابیی تەمەن ١٦ ساڵە و خەڵکی دێولان، بەهۆی زەربەی باتوم تووشی خوێنبەربوون بووە و چووەتە کۆماوە.
"هەستی حوسێن پەناهی" بەهۆی نالەباری دۆخی تەندروستی بە هێلیکۆپتێر لە نەخۆشخانەی دێولانەوە گوازراوەتەوە بۆ نەخۆشخانەی "کەوسەر"ی شاری سنە.
دایکی هەستی وتوویەتی کە لە قوتابخانە باتومیان لە سەری داوە و ئاسەوارەکەی بە ڕوونی دیارە.
باوکی ئەم کچە قوتابییە لەو پێوەندییەدا هەڕەشەی لێ کراوە و پێیان وتووە کە بە خەڵک بڵێ کچەکەم لە ماشین خۆی فرێ داوەتە خوارەوە.
ئێستا دۆخی تەندروستیی "هەستی حوسێن پەناهی" نالەبارە و لە بەشی ''ئای سی یووی'' نەخۆشخانەی "کەوسەر"ی سنە لە کۆمادایە.
