ڕۆژی سێشەممە ١٠ی خەزەڵوەر، لە زانکۆ و قوتابخانەی زۆربەی شارەکانی کوردستان خۆپیشاندان و ناڕەزایەتی هەروا بەردەوام بوو.
هاوشێوەی ڕۆژانی ڕابردوو، خوێندکارانی زانکۆی کوردستان لە شاری سنە لە هەرێمی زانکۆ کۆ بوونەوە و بە دەربڕینی شادی و خۆشی و هەڵپەڕکێ و دانی دروشم درێژەیان بە خۆپیشاندان و ناڕەزایەتی خۆیان دا.
هەروەها لە قوتابخانەی زۆربەی شارەکانی وەکوو دیواندەرە، مەریوان، سەقز و سنە، قوتابیان لە هەریمی قوتابخانە و سەر پۆلەکانی خوێندن و لە نێوشارەکان خۆپیشاندانیان بەڕێوە برد و سروود و دروشمی شۆڕشگێڕانە و مەدەنییان دا و خوازیاری ڕووخانی ڕێژیمی ئێران بوون.
