ئەمڕۆ یەکشەممە ڕێکەوتی ٢٣ی خەزەڵوەر، ڕێژیمی تێرۆریستیی تاران هێرشی کردە سەر بنکە و بارەگای حیزبەکانی ڕۆژهەڵات.
هاوکات تۆپخانەکانی سپای تێرۆریستی پاسداران لە شاری شنۆ و پیرانشار، ناوچە سنوورییەکانی هەرێمی کوردستان تۆپباران دەکەن.
ڕێژیمی تێرۆریستیی تاران بە دڕۆنی خۆتەقێن بارەگاکانی کۆمەڵە لە شاری سلێمانی و بە مووشەک بنکەکاکی حیزبی دێموکراتی لە شاری کۆیە کردووەتە ئامانج.
سەرەتای مانگی ڕەزبەری ئەمساڵیش بنکە و بارگاکانی حیزبەکانی ڕۆژهەڵات لە هەرێمی کوردستان مووشەکباران کرا و لە ئەنجامدا چەندین پێشمەرگە شەهید و بریندار بوون.
لەو هێرشەدا نەخۆشخانە، قوتابخانە و شوێنی نیشتەجێبوونی بنەماڵەکان مووشەکباران کراونەتە ئامانج.
