كۆمەڵانی خەڵكی ئێران و كوردستان

ناوەندە نێودەوڵەتییەكانی مافی مرۆڤ

سەرلەبەیانی ئەمرۆ 23ی خەزەڵوەری 1401 بنكە و بارەگاكانی حیزبی دیموكراتی كوردستانی ئێران لە كۆیە و كۆمەڵەی زەحمەتكێشانی كوردستان لە ناوچەی سلێمانی لەلایەن كەوتە بە هێرشی موشەكی و دڕۆنەكانی كۆماری ئیسلامییەوە.

لەم هێرشەدا سەرەڕای زیانە مادییەكان دوو كەس لە هاوڕێیان شەهید بوون و ژمارەیەكی دیكەش لە بریندار بوون.

ناوەندی هاوكاری حیزبەكانی كوردستانی ئێران سەرەڕای مەحكوم كردنی ئەو هێرشە دڕەندانە داوا لە ناوەندە نێودەوڵەتییەكان و رێكخراوەكانی مافی مرۆڤ دەكات بەرامبەر بەم تاوانەی كۆماری ئیسلامی و بۆردومان كردنی بنكە و بارەگاكانی حیزبەكان كە ژمارەیەكی بەرچاو خێزان و ژن و منداڵ تێیدا دەژین بێدەنگ نەبن.

لە راگەیاندنەكانی دواتردا لە وردەكاریی ئەو هێرش و تاوانانەی كۆماری ئیسلامی ئاگادارتان دەكەینەوە.

ناوەندی هاوكاریی حیزبەكانی كوردستانی ئێران

23ی خەزەڵوەری 1401 – 14ی نۆڤامبری 2022