مەکتەبی سیاسیی بزووتنەوەی ڕزگاریی دێموکراتی کوردستان لە ڕاگەیەندراوێکدا هێرشی مووشەکیی سپای پاسداران بۆ سەر هەرێمی کوردستانیان مەحکووم کردوە.

لەو ڕاگەیەندراوەدا هاتووە کۆماری ئیسلامی ئەوە چەندەمین جارە هێرش دەکاتە سەر بنکە و بارەگاکانی حیزبە کوردستانییەکانی ڕۆژهەڵات لە نێو خاکی هەرێمی کوردستان و بەداخەوە لەو سۆنگەیەوە شەهید و برینداری زۆر هەن. مەکتەبی سیاسیی بزووتنەوەی ڕزگاریی دێموکراتی کوردستان دەڵێ ئەو هێرشانە هیچ پاساوێک هەڵناگرن و پێشێل‌کردنی سەروەریی خاکی هەرێمی عێڕاق و هەرێمی کوردستان و پێچەوانەی ڕێوشوێنەکانی مافی مرۆڤ و هەموو یاسا و ڕێسا نێونەتەوەییەکانێشە و ڕێژیم دەبێ ڕێزیان لێ بگرێت.